En Occitan

La bòria :

Lo GAEC las « Paulinetoises » fa venir un tropèl de 700 fedas sus una susfàcia de 80 ectaras.

Los fromatges son faches a partir de lach tirat de la bòria unicament.

L’ivèrn, las fedas son apasturadas amb de fen secat jol cobèrt e de cerealas culhidas a  la bòria.

Lo cambiament del lach en fromatge :

Al jorn de uèi, se mólz mecanicament. Un flusmètre analisa lo passatge del lach e permet d’obténer una qualitat de las bonas. Lo fromatge es aprestat aprèp e aquò dos còps lo jorn per aprofiechar dels gèrmes naturalament presents dins lo lach. En fonccion del procediment causit (atalhonament del calhat o pas ; calfatge o pas ; quichat o pas …) , la resulta ne serà diferenta.

Los produches

La seguida dels produches prepausats per las « Paulinetoises » es plan espandida :

La familha lactica : lo temps de calhatge es long

  • Briqueta (240g), paulinetòr pichon (70g), paulinetòr (300g)

Caracteristicas : acidulat, fresc e pichon gost d’avelana segon la sason

La familha calhièra /presura : lo temps de calhatge es cort

  • Motlat a la còssa  : lo pavat (180g), lo còr (90g)

Caracteristicas : doç e cremós

  • Descopat e brassat : lo peralh (150g)

Caracteristicas mai perfumat e mai sec en boca

La familha dels tòmes (pasta quichada)

  • Tòme paulinetòra (2,2/2,6 quilòs), temps d’afinatge : 2 a 3 meses

Caracteristicas : doç e  fruchos

  • Tòme paulinou (4,6 quilòs), trabalh d’atalhonatge  e de calfatge diferent

Caracteristicas : gost mai marcat

La familha tradicion :

  • Broussa (0,720 quilòs) : fromatge sortit del recalfatge  del lach  d’oras.
  • Flauna : còca a la broussa amb uòus e citron

 

La familha dels leugièrs :

  • Lo pami : fromatge amb de lach mièg ecremat (90g)

La quantitat bassa de matèrias grassas tira res an aquel fromatge al lach crus.

Amb lo temps, la textura en boca ven pron cremosa.

Las autras fabricacions :

  • Confituras de lach : obtengudas amb calfatge del lach duscas a reduccion
  • Peralh a l’òli d’oliva : fromatges aperitius amb d’òli d’oliva
  • Calhat doç : lach enpresurat calhat
  • Burre de feda : obtengut amb l’escrematge del lach crus : es doç e onctuos puèi se refortís en gost
  • Pastissariá a basa de burre de feda : aperitiu feda …
Partagez cette page ou cet article! merci!